Octa core processor, processor technology, processor frequency kya hai?

Hello friends is post me mai aapko bataunga ki”Octa core processor, processor technology , processor frequency kya hai” . Aapke man me ye hota hoga ki mere paas jo phone hai Usme Octa Core Processor hai Aur mere Friend ke phone me Quad Core Processor hai to mera phone friend ke phone se fast aur best hai. Friends mai aapko bata doon ki Aisa Har Condition me nhi ho sakta ki Octa Core Processor Quad Core Processor se best hai. Kyuki kisi bhi Processor ka comparison karne ke liye hume kuch factor ka dhyan rakhna hota hai tabhi Hum kisi bhi Processor ka Sahi Comparison kar sakte hai. Wo Factor ye hai.

1. Processor Architecture.

2. Processor Kis Technology par bana hai.

3.  Number Of Cores

4. Processor Frequency

Yadi aap in chaaro baato ko dhyan me rakhte huye kisi Processor ka comparison karte hai. To wo ek sahi comparison hoga. Chaliye jante hai Octa Core Processor hota kya hai?

Octa Core processor kya hai

octa core processor, processor technology,processor frequency

Shayad apko malum hi hoga mobile me processor ek aisa component hai joki uss mobile ka Mind hota hai. Yani ki apke phone me Jitne Task aap karte hai un sabhi ko phone me laga Processor hi handle karta hai. Yadi aap short me samjhe to har Phone me Processor phone ke dwara diye gaye task ko read karta hai phir usse Process karke task ke hisaab se Output provide karta hai. Aise me aapka Processor Jitna Powerful hoga aapko utni hi achi Performance dekhne ko milegi sath hi aapka phone Lag ya Hang nahi hoga.

Har mobile phone me ek Processor laga hota hai aur har Processor ka apna ek Clock hota hai jispar wo work karta hai. Aapne aksar dekha ya suna hoga ki ye single Core Processor hai ye Dual Core Processor hai ya phir ye Octa Core Processor hai. To akhir ye single core aur dual core ka kya matlab hota hai?

Single Core, Dual Core, Quad Core, Octa Core Processor kya hota hai?

Sabse pahle hum jaan lete hai ki Single Core, Dual Core, Quad Core, Octa Core kya hota hai?

Single Core = 1 Processing Unit ek hi processor me.

Dual Core Processor = 2 Processing Unit ek hi processor me.

Quad Core Processor = 4 Processing Unit ek hi processor me.

Octa Core Processor = 8 Processing Unit ek hi processor me.

Deca Core Processor = 10 Processing Unit ek hi processor me.

Aap isko iss tarike se samajh sakte hai. ki Jis Phone me Single Core Processor hai wo ek time par ek hi kaam kar sakta hai. Yani ki uske paas ek hath hai to ek hath se hum ek hi kaam kar sakte hai.

Isi tarah jis phone me Dual Core Processor hai wo ek Sath do kaam kar sakta hai yani uske do hath hai. Aur jis Phone me Octa Core Processor hai wo ek sath maximum 8 kaam kar sakta hai. Yani uske 8 hath hai. Chahe wo ek kaam me 4 hath lagaye ya ek kaam me 8 hath lagaye.

Read more:

Isse hume kya pata chalta hai? Yahi ki Jis processor ka Core jitna adhik hai wo kisi bhi task ko Utni hi jaldi complete karta hai.

Yadi apko Quad Core Processor Aur Octa Core Processor me se koi ek ko Choose karna hai to aap kewal Octa Core Processor ko choose nahi kar sakte ye jankar ki iske 8 Processing Unit hai aur ye Quad Core Processor achi Performance dega. Friend aisa bilkul bhi nhi hai. To chaliye iske bare me jante hai.

Octa Core Processor aur Quad Core Processor me kon best hai?

Aap kisi bhi Processor ka Comparison Teen Baato ko Dhyan me Rakhkar kar sakte hai. Iske Baare me Humne aApko Upar bataya hai.

Kisi bhi Processor ka Comparison karne ke liye hume ye janna chahiye-:

1. Processor Kis Technology par bana hai.

2. Processor Frequency

3. Number Of Cores

1. Processor technology kya hoti hai?

octa core processor, processor technology,processor frequency

Har Processor ek technology par bana hota hai. Jaise kuch Processor 28 Nano Meter ki technology par bana hota hai. To kuch 20 Nano Meter par aur kuch 14 Nano Meter par bani hoti hai. To apke man me ye sawaal hoga ki nano meter ka kya matlab? Toh mai apko bata doon ki har Processor ke andar 10000000 ki Count me chhote-chhote transistor lage hote hai. Inhi transistor ki size ko hum Nano Meter me scale karte hai. Jo processor Jitne kam Nano Meter size ka hoga wo aap ko utna hi acha performance deta hai. Aur Jo processor jitna adhik Nano Meter ki technology par bana hoga wo utna hi old version hoga aur sath hi aap ko performance aur battery life kam dega.

2.  Processor frequency kya hoti hai?

octa core processor, processor technology,processor frequency

Har Processor me ek speed clock laga hota hai. Jo ye fix karta hai ki koi bhi processor 1 second me kitne binary number ko Process kar sakta hai. Jaise kuch processor 1 GHz ke hote hai. To kuch 1.5 GHz ke hote hai. Aur kuch 2 GHz ke hote hai. Aise hi 3,4,5 GHz tak hote hai.

Yaha bhi apke Man me sawal hoga ki ye GHz Frequency kaise kaam karta hai? To yadi kisi Processor Ka speed Clock 1 GHz hai to iska ye matlab hai ki wo Processor 1 Second me 100000000 time work kar sakta hai yani 1 second me 100000000 Binary Number ko process kar sakta hai. Isi tarah se koi Processor 1.5 GHz ka hai to wo bhi Same 1 Second me  150000000 time work kar sakta hai.

Read more:

3. Processor me number of cores kya hota hai?

octa core processor, processor technology,processor frequency

Har Processor ka Core hota hai yani ek System Chip me ek Processor hota hai jisme number of cores hote hai. Jaise koi Quad Core Processor hai to us Processor ke cluster me 4 Processing Cores hai thik usi tarah koi Octa Core Processor hai to uske cluster me 8 Processing Cores hai. Joki aapke Processing speed ko Quad core Processor se fast karta hai.

Lekin Aap ye nahi bol sakte ki koi Octa Core Processor Quad Core Processor se fast hai. Ye possible tabhi hai jab apke Octa Core Processor ki specification Quad Core Processor ke specification se same hogi. Yani Quad Core aur Octa Core Processor ki banane Wali technology aur frequency same hai. To is condition me Octa Core Processor best performance achi battery life dega as compare to Quad Core Processor.

Agar aapko iss post se related koi ques hai to humse niche diye comment box me puch sakte hai. Sath hi aap hamare youtube channel ko subscribe kar sakte hai. Jisme hum ek week me 2 videos upload karte hai. Thank you!

You may also like...

Comment kare!